ВИДЕО: Драма кај споменик во Варшава, на него качен маж со бомба – се заканува дека ќе разнесе се!
Човек кој тврди дека има бомба и е подготвен да разнесе се, денеска се искачи на Споменикот на жртвите од авионската несреќа во Смоленск во која во 2010 година загинаа претседателот на Полска, Лех Качински, воениот врв и добар дел од државната елита.
„Барам никој да не се приближува до плоштадот Пилсудски во Варшава. Еден човек се качи на споменикот. „Преговорите се во тек“, апелираше до граѓаните преку медиумите портпаролот на варшавската полиција Силвестер Марчак.
Полицијата го блокираше тој централен плоштад во Варшава и улиците што водат до него, но не ги потврдија неофицијалните информации дека мажот имал бомба и се заканувал дека ќе се разнесе.
На фотографиите што ги направија медиумите од околните згради, може да се види дека маж со ранец на грбот, држејќи предмет во левата рака, стои на врвот на споменикот од кој се формираат црните скали кои „водат во небото”.
Пред споменикот, братот близнак на загинатиот претседател, вицепремиерот Јарослав Качински и други положуваат венци и палат свеќи на секоја годишнина и секој месец, на денот на падот на авионот Ту-152 на претседателот Лех. Качински во април 2010 г. Тогаш заедно со екипажот загинаа 96 патници – претставници на полските власти.
Од друга страна, секоја година и секој месец, група демонстранти протестираат поради тоа што владејачката партија Право и Правда на Качински ја третира таа авионска несреќа како да е убиена само претседателската двојка и политичарите од Право и Правда и истакнуваат дека тогаш Полска останала не само без шеф на државата, но и функционери од сите страни на политичкиот спектар.
