ВИДЕО Дека Вања е убиена, а не задушена, кажа Спасовски уште пред три недели
Обдукциските наоди од телото на Вања Ѓорчевска се доставени до Обвинителството. Од таму само потврдуваат дека се примени и се разгледуваат. Детали нема да се соопштат бидејќи во тек е истрага.
Но медиумите на големо продолжија да шпекулираат и прават вести од нешто што и претходно беше познато. Тезата дека 14 годишното девојче било задушено, падна во вода одамна, бидејќи Министерот за внатрешни работи Оливер Спасовски уште на 5-ти декември одговори дека причина за смртта на Вања е прострелна рана.
Задушувањето за прв пат го спомена универзитетската професорка Фросина Ременски. Таа во објава на друштвените мрежи рече дека можна причина за брзото убивање на Вања, без да биде побаран откуп, би можело да биде токму задушувањето. Бидејќи така таа станала неупотреблива за изнуда на пари. Но ова беше во првите моменти од предистрагата, потоа целосната слика се промени, а МВР Спасовски изјави дека причина за смртаа на Вања е прострелна рана.
Она што до моментов останува нејасно, што покажала балистичката анализа. Дали двата пронајдени пиштоли се оружјето кое било употребено за убиствата на Вања и Панче. И дали првоосомничениот Љупчо Палевски Палчо бил извршителот.
Надлежните институции исто така проверуваат дали оваа група се поврзува и со претходни слични активности.
