(ВИДЕО) БИБЛИСКИ ПОПЛАВИ: Грците со хеликоптери ги спасуваат граѓаните
Поплави ги зафатија Грција, Бугарија, Турција, а Грците со хеликоптер ги спасуваат граѓаните. Најтешка е состојбата во Кардица и Трикала, но и во населбата Кастро во Лариса, каде што властите од изутрината работат на спасување на 25 луѓе.
Со хеликоптери „Супер пума“ и „Бел“, спасувачките тимови на армијата и противпожарната служба почнаа да ги спасуваат луѓето „заглавени“ во поплавите во централниот дел на Грција. Претходно, поради лошото време и молњите, не беше дозволена интервенција од воздух, јави дописничката на МИА од Атина.
Хеликоптерите слетуваат на стадионот во градот Кардица каде што се префрлаат спасените.
Министерството за цивилна заштита и климатски кризи на Грција до акредитираните новинари испрати видеа од спасувачките акции, кои ги објави МИА.
На едното видео е спасувањето на татко со мало дете кои беа извлечени од поплавена куќа, а на другото е извлекување на повозрасно лице.
Како што кажа министерот за цивилна заштита и климатски кризи на Грција, Василис Кикиљас, во невремето исчезнати се шест лица. Засега има четири жртви.
Разведрување на времето ќе има дури во новата работна недела.
Во Бугарија, поплавата однесе камп.
