ВИДЕО Ајкула и ги одгриза двете раце на жена: Страшен напад во плитко, сопругот гледал се!
Туристка наводно ги изгубила двете раце во напад на ајкула на Карибите откако се обидела да ја фотографира.
Канаѓанката, која е идентификувана како Натали Рос (55), била нападната во плиткото крај плажата Томпсон Ков на островите Туркс и Каикос на Карибите околу 10:30 часот на 7 февруари.
Медиумите пренесуваат дека нејзиниот сопруг се обидел да ја спаси од ајкулата, пред жената да биде донесена на брегот.
На фотографиите кои ги објави Метро се гледа како жената лежи на плажа, додека нејзиниот сопруг и другите се обидуваат да и го спречат крварењето.
Magnetic Media јавува дека жената ги загубила двете раце и дека ајкулата ја каснала и за бутот.
Со хеликоптер била пренесена во болница и се очекува да преживее.
„Се верува дека ајкулата е долга околу два метри, но сè уште не е познато за каков вид станува збор. Утврдено е дека туристката се обидела да стапи во контакт со животното од плиткото во обид да се фотографира“, соопшти владата на островот.
Владата ја затвори плажата по нападот, а повторно ја отвори кога беше утврдено дека ајкулата навлегла во подлабока вода.
Оттогаш беа објавени снимки од ајкулата во водата во близина на местото каде што се случи нападот.
