Ветеринари однеле алигаторот од ЗОО на преглед и се шокирале кога виделе што има во неговиот стомак: „Немојте така!“
Од каде луѓето ја добиле идејата дека треба да фрлаат монети во живеалиштето на алигаторот во зоолошката градина, а каде тој ја добил идејата дека тие се јадливи – не е познато.
Но, еден несреќен алигатор, кој живее во зоолошка градина во САД, мораше да биде подложен на операција откако ветеринарите открија 70 монети во неговиот стомак. Станува збор за 36-годишен алигатор кој е посебен по тоа што има проѕирна кожа и сини очи и се вика Тибодо.
Раководството на зоолошката градина Хенри Дорли во Омаха рече дека посетителите очигледно фрлале монети во куќиштето помеѓу чистењето на куќиштата и дека големиот рептил ги изел. Затоа беше побарано да не го прават тоа повеќе.
Сите десет алигатори од тој простор, вклучувајќи го и Тибодо, учествувале во рутински ветеринарен преглед кој вклучувал земање крв, рендген… Кога ги откриле монетите, ветеринарите биле шокирани. Алигаторот веднаш бил испратен на операција и металот му бил изваден од стомакот, за среќа доволно рано за да не предизвика никакви здравствени проблеми.
– Беше анестезиран и интубиран. Во устата му ставија пластична туба за да ја заштитиме и преку неа да ги поминеме алатите за пристап до монетите, како камерата што ни помогна да ги најдеме овие предмети – наведе во изјавата соработникот ветеринар. Кристина Плог, која ја водела операцијата, пишува за Би-Би-Си.
Таа објасни дека многу луѓе не сфаќаат дека монетите можат да им наштетат на животните. Тие не се само опасни затоа што се метални, туку и затоа што можат да содржат одредени опасни хемикалии.
Зоолошката градина во соопштението рече дека рендгенските снимки потврдиле дека предметите биле успешно отстранети, додавајќи дека Тибодо добро се опоравил од постапката. Тејлор Јау, директорот за здравје на животните во зоолошката градина, рече дека постапката не е „невообичаена“.
