ВЕСТИ ОД ГЕРМАНИЈА: До 2030 година се планираат дури 10.000 возила без возачи
Германската агенција за лиценцирање возила очекува да одобри „робобуси“ за локалниот јавен превоз во Германија од 2026 година, пренесува deutschland.de.
Оваа најава дојде од интервјуто со Ричард Дам, претседател на Крафтфахрбундесамт, кој е одговорен за лиценцирање возила во Германија.
Тој очекува вакви автобуси да превезуваат луѓе во германските градови најдоцна до 2027 година.
Дам верува дека е можно Хамбург да биде првиот град во Европа што ќе добие лиценца за управување со автобуси со роботи, а до 2030 година на германските патишта би можело да има до 10.000 автономни шатл-автобуси.
Камионите без возачи исто така ќе станат вообичаени во следните пет до десет години, според агенцијата одговорна за лиценцирање возила.
Дам, исто така, претседава со комитетот за автономни и поврзани возила на Економската комисија на Обединетите нации за Европа (UNECE).
Fenix-magazin/MD/Deutschland.de
