ВЕСТ КОЈА ПРЕДИЗВИКА ШОК ВО ЦЕЛА ЕВРОПА – германскиот туристички џин ги откажа сите патувања од јули, повеќе од 175 илјади луѓе останаа без аранжман
Третиот најголем тур-оператор во Европа ги откажа сите патувања со датум на поаѓање на 6 јули 2024 година!
Германската компанија FTI Touristik GmbH соопшти дека патувањата се откажани за корисниците да имаат сигурност да го планираат својот одмор пред почетокот на летот и можност веднаш да го резервираат своето патување со друг оператор.
– Германскиот фонд за патничко осигурување (ДРСФ) е подготвен да го регулира порамнувањето на постојните барања за поврат на пари со други тур-оператори. За толку кратко време, сепак, не беше најдено решение за преземање на аранжманот – изјавија од компанијата
Засегнати се 175.000 пакет аранжмани и одредени индивидуални услуги резервирани од клиенти за поаѓања од 6 јули преку несолвентните компании FTI Touristik и BigXtra Touristik, како и преку брендот 5vorFlug.
Со откажување на сите пакет аранжмани, партнерите на туристичките агенции FTI можат на своите клиенти да им понудат алтернативни патувања.
Германските медиуми јавуваат дека откажаните резервации се во вредност од стотици милиони евра. Депозитите за аранжмани треба да се рефундираат од страна на DRSF додека корисниците кои резервирале само поединечни услуги, како што се летови или хотели, немаат право на враќање на веќе извршените плаќања.
FTI Touristik GmbH, матичната компанија на FTI Group, неодамна поднесе барање за стечајна постапка пред Окружниот суд во Минхен во понеделникот.
(Kurir.rs/Feniks magazin)
