Верници цела ноќ му оддаваа почит на папата Франциск во Базиликата Свети Петар
Поради големиот број верници кои сакаа да му оддадат последна почит на папата Франциско, Ватикан одлучи базиликата Свети Петар да остане отворена во текот на ноќта, затворајќи ги вратите утрово на само еден час заради чистење, соопшти ватиканската прес-служба.
Телото на папата Франциско е изложено во дрвен ковчег во базиликата, пренесе АП.
Повеќе од 20.000 луѓе поминаа покрај неговото тело во првите осум и пол часа од вчерашното започнување на јавната почит, соопшти Ватикан.
