„ВЕЧНИОТ БОГ“ ЕЧИ НИЗ МАКЕДОНИЈА: Бадникови поворки во 80 градови – Еве ја агендата за големиот собир во Скопје

Македонија денес блеска во знакот на Божикната ѕвезда. Традиционално, по 16-ти пат, Здружението „Бадникови поворки“ организира масовно празнување во над 80 градови и населени места низ државата, но и во дијаспората – Словенија, Италија, Австрија, Франција и САД.

„Коледарчињата“ денеска ќе ја пренесат радосната вест за Христовото Раѓање, а централната манифестација ќе ги обедини скопските општини во срцето на главниот град.

За сите родители и дечиња кои сакаат да бидат дел од магијата во Скопје, распоредот е следен:

Посебен собир за Кисела Вода: За жителите на Општина Кисела Вода, собирот е закажан порано, во 11:15 часот кај „Рампа“. Таму најмладите ќе бидат пречекани и дарувани, по што организирано ќе се упатат кон Музејот на Град Скопје за да се спојат со централната поворка.

По пристигнувањето на плоштадот „Македонија“, пред Божикната пештера ќе се одржи голема музичко-сценска изведба насловена „Божикна авантура“. Во мјузиклот учествуваат над 40 музичари, актери и членови на „Златно славејче“. Под уметничко водство на Владо Дојчиноски, овој перформанс преку музика и игра ќе ја раскаже приказната за Рождеството.

Пред големиот собир, во утринските часови, малите коледарчиња ќе ги посетат и ќе им пеат на:

Од Здружението „Бадникови поворки“ потсетуваат дека не е потребно претходно пријавување – сите се добредојдени да се приклучат и да бидат дел од најтоплата празнична традиција.