Вечерва критично во Охрид и Кочанско, падна ѕид во Мала Речица – реките се излеваат, екипите се на нозе
Состојбата со врнежите останува сериозна ширум целата држава. Според најновиот извештај на Центарот за управување со кризи (ЦУК) заклучно со 18:00 часот, најкритично е во Охридско и во Штипско-кочанскиот регион каде има излевања на реки, додека во Тетовско е регистрирано уривање на потпорен ѕид.
Еве ја деталната состојба по региони:
Во источниот дел водостојот на реките е драстично зголемен.
Во Охрид, најкритична е состојбата во населбата Далјан каде се излеа реката Далја. На терен е вистинска мобилизација: ЈП Водовод, Нискоградба и Комуналец работат со механизација, додека Противпожарната единица и Дирекцијата за заштита и спасување (ДЗС) испумпуваат вода од поплавените објекти. Се штити и патот кон селата Ливоишта и Вапила од надојдената Коселска Река.
Во Кичево, состојбата на поплавената улица „Прилепска“ е непроменета. Црвениот крст и Општината се грижат за евакуираните семејства, додека екипите продолжуваат со испумпување.
Во Тетовско, екипите се борат на повеќе фронтови:
