Вчера 23 пожари низ Македонија, само еден се уште се води како активен
Центарот за управување со кризи (ЦУК) информира дека вчера, 16.09.2023 година сабота, имало вкупно 23 пожари на отворено, од коишто се изгаснати 22, а само еден се уште се води како активен, според добиените известувања во Секторот за операции и координација во ЦУК, до утрово.
Конкретно, еден пожар, од вчерашните, се уште се води како активен: во Општина Студеничани кај „Марков Манастир“ помеѓу селата Маркова Сушица и Цветово каде што горела ниска вегетација и дабова шума. Утрово од терен е добиено известување дека во текот на ноќта и утрово немало знаци на пожар на оваа локација, но за истиот се уште не може да се каже дека е изгаснат.
Изгаснатите 22 пожари биле во:
– Општина Студеничани, кај с.Батинци (каде што горела сува трева);
– Општина Бутел, месност „Кучевишка Бара“ (сува трева);
– Општина Сарај, кај с.Горно Свиларе (сува трева);
– Општина Долнени, три (3), кај Долгаец-Црнилиште-Стровија (шума), с.Новоселани (стрниште и сува трева) и кај с.Сарандиново (сува трева);
– Општина Прилеп, два (2) кај бензинска пумпа Салинда (сува трева) и кај затворот во Прилеп (сува трева);
– Општина Кривгаштани, помеѓу селата Пашино Рувци и Чепигово (стрниште);
– Општина Битола, два (2), кај с.Крклино (стрниште и сува трева) и кај с.Кишава (стрниште и сува трева);
– Општина Валандово: кај „Анска Река“ (сува трева, напуштено лозје, сливи и ореви);
– Општина Струга, два (2), кај с.Горно Татеши (сува трева и стрниште) и кај с.Вевчани (сува трева);
– Општина Дебар, с.Косоврасти (сува трева);
– Општина Чашка, меѓу с.Ореше и с.Богомила (дабова и габерова шума);
– Општина Чешиново-Облешево, с.Жиганци (стрниште и сува трева);
– Општина Куманово, два (2), кај с.Речица (стрниште и сува трева) и кај с.Режановце (стрниште и сува трева);
– Општина Липково: с.Матејче (стрниште, ниска шума и сува трева);
– Општина Теарце: с.Одри (сува трева) и во
– Општина Брвеница: кај с.Челопек (каде што горела сува трева).
Инаку, Центарот за управување со кризи (ЦУК) утрово информира дека во Секторот за операции и координација во е добиена, за сега, само едно известување за пожар на отворено од Регионалниот ЦУК Охрид: пожарникарите од ТППЕ Охрид заедно со ЈП „Комуналец – Охрид“, од утрово интервенираат поради запалени отпадоци на депонијата „Буково“.
