Вашингтон пост: Западните претставници го спречиле Зеленски да ги откаже преговорите во Истанбул
Американски и европски претставници го спречија украинскиот претседател Володимир Зеленски да ги напушти преговорите со Русија, велејќи дека е неопходно тој да испрати барем делегација од високи функционери во Истанбул, доколку одбие лично да оди, објави денеска Вашингтон пост (ВП), повикувајќи се на извори.
Според информациите, Зеленски изразил незадоволство од развојот на ситуацијата и навестил дека нема да овласти официјални лица да одат во Турција на преговори со руската страна.
Американските и европските претставници истакнаа дека е од клучно значење Зеленски да испрати барем делегација од високи соработници, вклучително и шефот на неговиот кабинет Андриј Јермак и министерот за надворешни работи Андриј Сибиха, но тие се соочија со отпор од украинскиот лидер.
