Вардар тргна со подготовки, но допрва ќе се решаваат многуте проблеми (ФОТО)

30/06/2023

Најтрофејниот македонски клуб Вардар после две години во второлигашката конкуренција преку баражот се врати во домашната елита, па денеска од својот дом, Националната Арена „Тодор Проески“ ги стартуваше подготовките за новата сезона, со многу проблеми кои допрва во краткиот период од нешто повеќе од еден месец кој треба да се (раз)решат.

Тренерот на Вардар, Бобан Грнчаров прозиваше и од ланскиот состав кој успеа да избори кам-бек во прволигашката конкуренција засега недостигаат двајца, кои веќе направија трансфери Марко Стоилевски и Давор Серафимов, двајца млади фудбалери кои заминаа во Брера односно Шкупи.

Вардарци денеска на собирот ја најавија кампањата „купи сезонски билет“ со која клубот кој отсега го раководат најверните навивачи Комити очекуваат добар приход, како и ветувањата од скопските општини и градот Скопје за финансиска инјекција со која црвено-црните ќе се стабилизираат.

Но, сето ова, како и лиценцата за настап во Првата лига, но и евентуалните засилувања, ќе се решаваат во од во овој месец, во кој најтрофејниот клуб ќе се подготвува на стадионот во Маџари кој ќе им биде база, како и на теренот на АРМ зад западната трибина на Арената.