Ужас во училиште во БИХ: Ученик му пукал на наставник во глава
Ученик во основно училиште во Лукавац рано утринава застрелал наставник на таа институција, јавуваат медиумите од Босна и Херцеговина. Наставникот кој е ранет е пренесен во болница и е во тешка состојба.
Медиумите во БиХ наведуваат дека напаѓачот е поранешен ученик на училиштето кој бил префрлен поради лошо поведение. Како што потврдија за Klix.ba, пукањето го изврши малолетен ученик кој е уапсен од полицијата.
Имено, утринава околу девет часот во основното училиште во Лукавац дошло до пукање во кое според првичните информации еден вработен е тешко повреден. Неофицијално, станува збор за професор по англиски јазик Н.О.
Н.О. бил хоспитализиран поради прострелна рана во пределот на вратот. Во моментов е во тек операција. Оваа информација за Klix.ba ја потврди и градоначалникот на Лукавац, Един Делиќ, посочувајќи дека пукањето го извршил ученик.
Исто така, пронајдено е и оружјето со кое го извршил нападот. Полицијата се уште не соопштува детали за случајот, наведувајќи дека од терен се прибираат оперативни информации.
Како што се дознава, станува збор за ученикот Г.М.(2008), кој поради прилично лошото однесување бил префрлен од едно во друго основно училиште. Ученикот утринава вооружен дошол во училиште и го барал вработениот Н.О. кому му пукал во глава.
