Ужас во Кавадарци: Сред бел ден со пушка пукал во сопственото кутре во приватен двор

Според соопштението на здружението ЛИНА – СПАСИ Живот, добиј ЖИВОТ, помогни на животните, во Кавадарци сред бел ден со пушка е пукано во кутре во приватен двор.

Сторителот веднаш е пријавен, му била одземена пушката и е приведен во полициска станица. ЛИНА најавува дека очекува целосен извештај од МВР и дека јавно ќе го објави идентитетот на сторителот.

Кутрето е прострелено, му е укажана ветеринарска помош во Кавадарци и ќе биде упатено во Скопје за понатамошно лекување.

ЛИНА апелира до Јавното обвинителство да ја изрече највисоката казна за стореното дело, согласно Кривичниот законик за убивање и мачење на животни.