Јувентус ја потврди суспензијата на Фаџоли и соопшти кога ќе се врати на теренот!
Повеќе нема дилеми, познато е до кога Николо Фаџоли ќе биде суспендиран, Фудбалската федерација на Италија и Јувентус соопштија дека казната почнува денеска, па играчот ќе биде надвор од комбинација до 19. мај.
Тоа значи дека младиот Италијанец би можел да настапи во последното коло и пресметката со Монца на 26. мај.
„Убедени сме дека Николо, со поддршка на клубот, неговите соиграчи, неговото смејство и професионалците кои ќе му помагаат, ќе го одработи терапевтскиот и тренинг процесот со голема одговорност, и штом ќе ја одбработи суспензијата, ќе може да се врати и да се надигрува на терените“, гласеше известувањето на Јувентус.
Покрај тоа што седум месеци нема да може да игра фудбал, Николо Фаџоли ќе треба да плати и глоба од 12.500 евра, ќе мора најмалку шест месеци да работи со терапевт на својата завист од обложување, ќе треба најмалку во десет наврати да се појави на десет настани на кои ќе го сподели своето искуство и ќе ги убедува останатите да не тргнат по тој лош пат.
