Јуве се жалеше на одземените 15 бода, а сега го чека нова казна од минус 30-40 бода?!

Според „Кориере дело Спорт“, федералниот јавен обвинител го истражува Јувентус за „финансиски маневри“, односно избегнување на исплата на побарувања кој фудбалери и менаџери за новните провизии, откако се појавија јавно сериозни побарувања од низа ѕвезди од Кристијано Роналдо до Пауло Дибала како последен.

И според италијанскиот весник ако се покаже дека овие „маневри“ биле со цел да се изигра финансискиот фер-плеј и законските регулативи, допрва Јувентус го чека тешка задача. Но, првата им е на 19 април во жалбената постапка за 15-те одземени бода за кои се надеваат дека ќе им бидат вратени поради процедурални грешки во постапката.

Но, за новиот случај со малверзациите, веќе медиумите најавуваат казна од 30 до 40 бодови. Најверојатно ваква казна Јувентус нема да го зафати во оваа сезона, ама може да биде донесена на почеток на идната сезона или некаде пред крајот на оваа 2023 година, со што повторно силно би ги разнишале амбициите на клубот, како за титулата, така и за излез во ЛШ, а со тоа финансиската оштета би била милионска зашто не би ги имале десетиците милиони евра сигурен приход за настап во европската елита.