Јуве не го издржа последниот напад: Лече му откина два бода на фаворитот (ВИДЕО)
На гостувањето кај Лече, торинскиот тим одигра 1-1 и остана на шестата позиција на табелата. Малку недостасуваше да го освои целиот плен, но и не заслужи такво нешто бидејќи беше очаен и само среќата го спаси да не прими уште неколку гола.
Се што беше важно на овој натпревар се случи во последната четвртина. Во 68. минута Камбијасо го отвори резултатот на асистенција на Копмајнерс и иако Лече потоа беше подобар и создаде многу шанси, се чинеше дека 0-1 ќе биде на крајот. Така не мислеше Анте Ребиќ кој во третата минута од судиското продолжение ја искористи асистенцијата на Крстовиќ за да го израмни резултатот и да ги разочара навивачите на гостинскиот тим.
