Утрово најстудено на Попова Шапка – најмногу дожд во Дебар, Охрид и Маврово

Најмногу дожд во изминатото деноноќие наврна во Дебар 18 литри на квадрат, во Охрид и Маврово по 14, а во Скопје четири литри.

Најстудено, пак, со -2 степена утрово беше на Попова Шапка каде што има и снежна покривка од 13 сантиметри. Во другите места низ државава температурите се над нулата, соопшти УХМР.

Во текот на ноќта времето беше претежно облачно со врнежи од дожд. На места, особено во источните делови беше нестабилно со пороен дожд, грмежи и силен ветер (со брзина над 60 км/час). Утрово е променливо облачно со сончеви периоди и со слаб до умерен ветер од променлив правец.

Денеска ќе биде променливо облачно со повремени врнежи од дожд, особено попладне. Локално врнежите ќе бидат поројни проследени со грмежи, претежно во источните делови. Ќе дува слаб до умерен ветер од јужен правец. Максималната температура ќе биде во интервал од 11 до 18 степени.

Во Скопје променливо облачно, попладне со повремени врнежи од дожд и со слаб до умерен ветер од јужен правец. Максималната температура ќе достигне до 16 степени.