Утре повремени врнежи од дожд и снег

Променливо облачно со сончеви периоди. По одделни котлини во
поголем дел од денот со магла и ниска облачност. Ќе дува слаб ветер од променлив правец.

Максималната температура во котлините со магла ќе биде во интервал од -3 до 2, а во останатиот дел од земјата од 6 до 10 степени.

Времето и метеоролошки параметри за Скопје: Во поголем дел од денот со магла и ниска облачност. Попладне ќе има делумно намалување на облачноста. T= 2 °C, P= 990 hPa, U= 90 %, V= 1 m/s. (Т- температура, P- притисок, U- релативна влажност, V- средна брзина на ветер)

Утре ќе има повремени врнежи од дожд и снег во пониските и снег на повисоките места и на планините. Врнежите ќе бидат со слаб, а во западните делови со умерен интензитет. Потоа во следните денови ќе се задржи променливо облачно време со сончеви периоди. По котлините во претпладневните часови ќе има појава на магла. Во петок претежно во северните делови ќе има локални врнежи од дожд, а на планините од снег.