Утре пороен дожд, грмежи и силен јужен ветер – УХМР издаде метео аларм

Управата за хидрометеоролошки работи издаде метео аларм за 21 ноември 2025 година, предупредувајќи на нестабилно време со локално пообилни врнежи.

Според најавата, утре на повеќе места ќе има повремени врнежи од дожд, а делови од земјата ќе бидат зафатени од поинтензивни врнежи кои може да надминат 30 литри на метар квадратен во текот на 24 часа.

Условите за појава на невреме со грмежи ќе бидат присутни во текот на целиот ден.

Покрај нестабилноста, ќе дува умерен до засилен јужен ветер, чија брзина локално може да надмине 60 километри на час, што дополнително ќе влијае врз временските прилики.

Од УХМР апелираат граѓаните да бидат внимателни и да го следат развојот на временската состојба.