Усвоен законот за ваучери за студентите – ќе добијат по 250 евра!
Попладнево собранието го усвои законот за ваучери за студентите.
Тој предвидува дека сите студенти до 29 години ќе добијат 250 евра ваучер за набавка на таблет, лап-топ или компјутер.
„Нека е со среќа! Усвоен е законот со кој сите студенти до 29 години запишани на додипломски студии во учебната 2025/26 ќе добијат 250 евра ваучер за набавка на таблет, лап-топ или компјутер. Зборот е збор, а младите се и ќе останат во фокусот на делувањето на ВМРО – ДПМНЕ!“, напиша пратеникот Сергеј Попов од ВМРО-ДПМНЕ.
