„Уставни измени нема да има ако не се исполнат овие услови“ – Мицкоски: Во животот треба да покажете карактер!
Премиерот Христијан Мицкоски од собраниската говорница испрати остра и децидна порака во врска со евроинтегративниот процес, нагласувајќи дека уставни измени под диктат нема да има додека не се исполнат јасно дефинирани национални услови.
Тој порача дека политиката на отстапки без реципроцитет е минато, а државата мора да покаже карактер за да ги заштити сопствените интереси.
Постави и клучни столба како предуслов за било каков иден процес: загарантирани права за Македонците во Бугарија и цврсти меѓународни гаранции за македонскиот идентитет и јазик.
„Во животот треба да покажете карактер, инаку ќе бидете мивка, а тие лошо завршуваат. Мора да донесеме резолуција со еден заеднички, државнички став дека без исполнување на овие минимум процеси, нема да има никакви дополнителни отстапки,“ изјави Мицкоски.
Тој појасни дека не е потребна нова резолуција за јазикот, бидејќи тој е веќе меѓународно признат и кодифициран факт, туку обединување околу заедничка позиција која ќе ја спречи идната несигурност на државата.
Премиерот Мицкоски дополнително го акцентираше и прашањето за правата на Македонците во Бугарија, посочувајќи дека на оваа заедница и се одземени основните права и дека барањето за здружување е легитимен чекор во борбата за нивно признавање.
