УШТЕ ЕДНА ЖЕЛЕЗНИЧКА НЕСРЕЌА: Се судриле патнички и товарен воз, има повредени

Патнички воз се судри со товарен воз во Романија, при што има 12 повредени.

Железничката несреќа се случила во близина на патот Арад – Букурешт, кога патнички воз со 280 патници се судрил со товарен воз полн со автомобили. Патничкиот воз поминал на знакот „стоп“, го престигнал товарниот воз и силно удрил во него. Три вагони на товарен воз што превезувал моторни возила излетале од шините. 

Двајца повредени, 46-годишен маж и 30-годишна жена се пренесени во болницата во Александрија со повреди на главата и екстремитетите, а уште две лица, 59-годишен маж и 61-годишна жена, се пренесени во општинската болница во Рошиора де Веда, со повреди на екстремитетите.

Останатите патници со минибуси ги однеле до станицата Рошиори, а оттаму се качиле во друг воз за да ги однесе до нивната дестинација.

Неодамна имаше железничка несреќа во Лариса во Грција, каде при судир на товарен и патнички воз, загинаа 57 луѓе. Шефот на станицата му дал погрешни насоки на возот, за што може да добие од 10 години до доживотен затвор. 

foto Romanya Haber