Уште еден трофеј му бега на Роналдо: Ал Наср падна на -11 по поразот во дербито (ВИДЕО)

По 13 одиграни кола, неговиот Ал Наср падна на четвртото место на табелата откако доживеа пораз во дербито со лидерот Ал Итихад со 1-2. Разликата со денешниот ривал сега изнесува 11 бода и ако вака продолжи Ал Наср нема да обезбеди ни пласман во азиската Лига на шампиони за идната сезона.

Се што беше важно на овој меч се случи во второто полувреме. Бензема го отвори резултатот во 55. минута, Роналдо израмни две минути подоцна, а победа на Ал Итихад му донесе Бергвијн во судиското продолжение. Ал Итихад се наоѓа во серија од десет победи во првенството, а последниот пораз го претрпе на 21 септември од Ал Хилал.

Што се однесува до Роналдо, откако на почетокот од 2023 година дојде во Саудиска Арабија, не успеа да освои ниеден трофеј.