УПОЗ: Носат законски измени за партиски синдикати, само затоа што побаравме 500 евра минимална плата
Синдикалната организација УПОЗ која ги застапува вработените во администрацијата по веста дека пратеници од владејачкото мнозинство поднеле предлог измени на Законот за работини односи по скратена постапка, излезе со реакција дека тоа се прави само поради тоа што се бара 500 евра минимална плата.
Нов закон по скратена постапка предложија 9 пратеници од владеачката коалиција (7 се од Вреди) и се однесува на синдикалното организирање во државата. Пратениците предлагаат за двојно да се намали репрезентативноста на синдикати кои би биле вклучени во преговорите за подобри работнички права. Во моментот тој праг е 10 отсто, а се предлага во иднина репрезентативен да биде секој синдикат кој има 5 проценти од „вкупниот број на вработени во Република Северна Македонија кои плаќаат членарина на синдикатот“.
– Од кога Комисијата за репрезентативност го заврши пребројувањето и повторно се утврди дека гранските синдикати здружени во ССМ и ССМ повторно се репрезентативни, за спас на партиските синдикати излезе кој друг ако не пратениците.
Измени на ЗРО по скратена постапка само да не се покачат платите не е “ДЕМОКРАТИЗАЦИЈА” туку “АВТОКРАТИЗАЦИЈА”. П.С. Поздрав до предлагачите НАЈ демократи, гласи реакцијата од УПОЗ.
Во образложението на предлог законот стои дека на тој начин претставувањето на работодавачите и синдикатите во Економско сосцијалниот совет ќе биде еднакво односно дека со измената „се врши изедначување на условите за определување на репрезентативност на синдикатите со организацијата на работодавачите и се одредува ист процент од 5%“.
