Ултиматум до Владата: Или исплата на субвенциите неделава или блокади на патиштата од петок – сточарите „на нозе“
„Трпението е потрошено, ножот е дојден до коска“. Со оваа порака, Сојузот на одгледувачи на овци и земјоделците поддржани од КСОМ најавија дека в понеделник (22 декември) ќе излезат пред Владата. Ако не ги добијат парите неделава, од петок најавуваат радикализација и целосна блокада на државата.
Сточарите предупредуваат дека овчарството е во завршна фаза на колапс, а државата им должи неверојатни 1,5 милијарди денари само за субвенциите за 2024 година.
Револтот кулминира бидејќи Владата го пробила сопствениот рок. Според земјоделците, сите заостанати субвенции требало да бидат исплатени најдоцна до 30 јуни 2025 година. Денес, речиси шест месеци подоцна, сметките на сточарите се празни.
Сточарите се жалат дека се двојно казнети. Дури и да ги добијат парите сега, тие вредат многу помалку.
Бидејќи исплатата доцнела, тие не можеле навреме да набават храна за време на жетвата кога била поефтина, па сега мораат да плаќаат поскапо.
Барањата се децидни:
Доколку Владата не реагира веднаш, од петок, 26 декември 2025, земјоделците најавуваат ОПШТИ ПРОТЕСТИ со блокирање на сите главни сообраќајници низ државата.
