Украинските војници ги одбија руските напади во индустриската зона Бахмут
Украинските војници одбија серија руски напади во индустриската зона Бахмут користејќи артилерија и фрлачи на гранати, соопшти военото раководство во Киев, цитирано од ДПА.
И покрај нивната бројна супериорност, руските единици не успеаја да се пробијат, соопшти украинската армија.
Пред тоа, претседателот Володимир Зеленски увери дека неговите војници ќе се борат за Бахмут и покрај екстремно тешката ситуација таму.
„Но, ние сè уште сме во Бахмут, а непријателот не го контролира градот“, рече тој за време на посетата на Варшава.
Русија од крајот на летото се обидува да го освои градот Бахмут во областа Доњецк. Московските трупи сега го контролираат поголемиот дел од градот и делови од неговиот центар, но украинските трупи сè уште даваат отпор во западниот дел на градот, кој имаше предвоено население од околу 70.000 жители.
