Украина распиша потерница по рускиот патријарх Кирил

Поглаварот на Руската православна црква, кој ја поддржува 21-месечната војна на Кремљ против Киев, е баран од Министерството за внатрешни работи на Украина, откако безбедносните служби го обвинија за поттикнување на конфликтот, објави Ројтерс.

Мерката е чисто симболична, бидејќи патријархот Кирил е во Русија и не му се заканува апсење.

Публикацијата на списокот на барани лица на украинското министерство го идентификуваше Кирил по име, го покажа во неговата свештеничка облека и го опиша како „лице кое бега од властите на предистражната постапка“. Се вели дека тој е “исчезнат” од 11 ноември.

Минатиот месец, Службата за безбедност на Украина издаде документ во кој се вели дека Кирил „го прекршил украинскиот суверенитет“; со својата позиција како „дел од најтесното опкружување на военото и политичкото раководство на Русија“, пренесува БТА.