Украина има доволно енергетски ресурси за да ја преброди зимата
Украина има доволно енергетски ресурси за да ја преброди зимата, изјави украинскиот министер за енергетика Херман Халушченко, пренесе Ројтерс. Сепак, тој предупреди дека руските напади може да ги оштетат мрежите за снабдување со електрична енергија.
„Имаме доволно енергетски ресурси, во овој поглед се чувствуваме смирени. Прашањето е колку идните напади можат да влијаат на снабдувањето“, рече министерот.
Русија ја нападна украинската енергетска инфраструктура 60 пати во изминатите неколку недели, соопшти во средата Киев. Тоа ги поттикна стравувањата дека Москва можеби веќе почнала да ја таргетира електричната мрежа на земјата втора зима по ред.
Минатата зима, илјадници руски беспилотни летала и проектили ја погодија енергетската инфраструктура на Украина, предизвикувајќи широки прекини на електричната енергија.
Галушченко рече дека Украина очекува Русија да продолжи со масовното пукање со беспилотни летала и проектили врз енергетската инфраструктура кога температурите ќе паднат под нулата Целзиусови степени.
