Украина едвај ја скрши Малта и тоа од пенал (ВИДЕО)

Украина до победата дојде во 72-та минута откако Андриј Јармоленко изнуди пенал кој го реализираше Циганков, откако претходно по реакција на ВАР, Украина во 52-та минута доби прв удар од белата точка, ама капитенот Јармоленко го промаши. Циганков беше јунак и во Скопје откако го даде третиот гол за комплетен пресврт и победа на Украина против Македонија.

Иако доминираа очекувано на мечот, Украина наиде на силен отпор од Малта, која одигра без респект против фаворитот и добро се препоти за втора победа во третиот меч во овој циклус, откако досега загубија од Англија во март годинава на почетокот на евроквалификациите со 0-2. Украина со оваа победа сега се зацврсти на второто место во групата, Англија е прва со девет и вечерва игра меч со Македонија, додека нашата селекција е со исто бодовно салдо со Италија, по три бода, со по една победа над малтежаните, кои немаат бод во групата досега.

Бившиот вардарец Тигран Барсегјан со гол во 89-та минута од пенал ѝ обезбеди голема победа на Ерменија со 2-1 против Летонија за шест бода во групата колку и лидерот Турција. Финска, пак, очекувано лесно и убедливо го наполни Сан Марино со 6-0 со хет-трик на Даниел Хаканс за девет минути од 65-та до 74-та минута од мечот.