Украина ја продолжи мобилизацијата и вонредната состојба
Во вторникот, украинскиот парламент донесе одлука за продолжување на вонредната состојба и мобилизацијата, кои беа воведени по руската инвазија, за дополнителни 90 дена или до средината на мај.
Според неколку членови на парламентот, двотретинско мнозинство гласало за двата нацрт-закони претставени од украинскиот претседател Володимир Зеленски, пренесува ДПА и Хина.
Прекинато е и одржувањето на редовните парламентарни и претседателски избори.
Предност за армијата и воената влада
Украина речиси две години се брани од руската инвазија, а вонредната состојба им дава приоритет на армијата и воената влада.
Мажите на возраст меѓу 18 и 60 години кои се подобни за воена служба можат да ја напуштат земјата само во исклучителни случаи.
Украинскиот претседател Володимир Зеленски во понеделникот поднесе предлог до парламентот за продолжување на вонредната состојба и општа мобилизација со оглед на тоа што руската инвазија се приближува на втората годишнина.
Предлогот на Зеленски вклучуваше продолжување на двете мерки за уште 90 дена од 14 февруари, во согласност со одредбите на украинскиот устав, што беше официјално потврдено денеска.
