УКРАИНА ЈА ОСУДИ ИЗЈАВАТА НА КОСТАДИНОВ: Toj ја потврдува неговата систематска пропаганда на наративите на Кремљ
Украина ја осуди изјавата на бугарскиот политичар Костадин Костадинов.
Амбасадата на Украина во Бугарија, ги осуди територијалните претензии на лидерот на „Преродба“, Костадин Костадинов кој кажа дека Јужна Бесарабија и Македонија треба да се припојат кон Бугарија.
„Во врска со изјавата на лидерот на партијата „Преродба“, испраќаме осуда на изјавата на политичар кој повикува на кршење на нормите на меѓународното право, ги искривува историските факти и промовира прераспределба на границите во Европа. Изјавите на партискиот лидер на „Преродба“ за територијалната агресија против Украина е неприфатлива за политичар на ЕУ и ја потврдува неговата систематска пропаганда на наративите на Кремљ“, стои во објавата.
И македонските власти ја осудија изјавата. Тие побараа Софија да реагира.
