Украина ја извести Белата куќа дека планира да го отпушти Валериј Залужни
Украинската влада ја известила Белата куќа дека планира да го отпушти шефот на вооружените сили на земјата, генерал Валериј Залужни, јави БТА, повикувајќи се на Ројтерс.
За ова прашање веќе неколку дена се зборува на јавниот простор, со спротивставени извештаи. Медиумските извештаи кои се припишуваат на неименувани извори велат дека Зеленски на состанокот во понеделникот му понудил на Залужни нова улога, но генералот одбил.
Прашањето за отстранување на Залужни, кој се судри со претседателот Володимир Зеленски околу воената стратегија и други прашања, доаѓа по контраофанзивата минатата година во која Украина успеа да заземе само мал дел од нејзината територија окупирана од Русија.
Извор близок до канцеларијата на Зеленски рече дека двајцата се во несогласување околу тоа дали да започнат нова кампања за воена мобилизација. Според информациите, украинскиот претседател е против барањето на командантот на вооружените сили да мобилизира уште половина милион луѓе.
Според извор на кој се повикува Ројтерс, разрешувањето на Залужни се одложува бидејќи властите се уште не одлучиле кој ќе го замени.
САД не се спротивставија на плановите на Киев. Белата куќа соопшти дека е суверена работа Украина да донесе сопствена одлука, според вториот извор, кој сакаше да остане анонимен.
Кремљ соопшти дека ја следи ситуацијата околу Валери Залужни.
