Њукасл со сомнителен гол му го нанесе првиот пораз на Арсенал во Премиер лигата (ВИДЕО)

Јунак во домашниот тим беше Ентони Гордон, кој во 64. минута ја смести топката во мрежата на гостите од Лондон. За овој погодок долго ќе се говори, особено меѓу навивачите на „топчиите“, кои потоа удрија со „дрва и камења“ по судиите бидејќи сметаат дека не е регуларен. Според нив, топката прво излегла од теренот во аут, за потоа Гордон да погоди од офсајд. Но, од ВАР собата по долго гледање рекоа дека е се регуларно, па домаќинот можеше да почне да се радува.

Њукасл со овој триумф дојде до 20 бода и се искачи на шестата позиција на премиерлигашката табела, додека Арсенал сега е трети со 24 бодови.