Ѓукановиќ за Црна Гора: Не можеме да погодиме дали ќе се движи кон ЕУ или кон српскиот свет
Мило Ѓукановиќ кој претрпе пораз на претседателските избори на 2 април, на кои загуби од Јаков Милатовиќ од Движењето Европа сега (ПЕС), по седницата на Главниот одбор на ДПС во Подгорица, го спомена и „српскиот свет“.
Тој по седницата која траеше повеќе од три часа, изјави дека одлуката за промени ја донел во врвот на партијата за тие „да помогнат на Црна Гора да ги достигне достигнувањата за кои се стреми. “, бидејќи „не можеме да погодиме дали тоа ќе биде Европската унија или српскиот свет“.
„Мојата одлука да поднесам оставка беше прифатена од Главниот одбор, кој го прифати и изборот на Данијел Живковиќ за претседател. ДПС роди нова генерација луѓе, кои ќе бидат столбот на идната влада. Еден од најистакнатите луѓе на таа генерација е Живковиќ и убеден сум дека направивме добар потег, кој ќе биде импулс за рехабилитација на довербата“, рече Ѓукановиќ.
Милатовиќ најави дека Црна Гора сака да биде дел од иницијативата „Отворен Балкан“. Новиот претседател се надева дека нема да ги разочара граѓаните. Тој и пред вториот круг кажа дека ќе го испрати Ѓукановиќ во политичка пензија.
