Угинати свињи од едно се закопуваат во друго село, жителите не дозволуваат
Угинати свињи од африканска чума откриени во едно село се закопуваат во друго.
Жителите на кумановското село Речица реагираат на одлуката и не дозволуваат угинати свињи од африканска чума, да се закопуваат во близина на нивните живеалишта, a вчера се случил и инцидент во кој интервенирала полицијата.
Жителите велат дека нема да се откажат, бидејќи стравуваат за своето здравје. Локацијата која се наоѓа на само неколку километри и од центарот на градот, ја одредила општината.
Велат селото живее од земјоделство и сточарство, има над 500 одгледувалишта.
Инаку, според нив, угинатите свињи се од село Тромеѓа, кое се наоѓа сосема на другиот дел од градот.
