УДРИЛ ВО ПИЈАН ПЕШАК И ПОБЕГНАЛ Повредениот имал 1,69 промили алкохол, велат од Брзата помош

Синоќа околу 23:50 часот на улицата Гоце Делчев во Охрид, патнички автомобил удрил во 49-годишниот Б.С., кој бил пешак. Возачот веднаш го напуштил местото на несреќата.

Повредениот пешак бил пренесен со возило на Итната медицинска помош во болницата „Св. Еразмо“ во Охрид, каде лекарите му констатирале телесни повреди и 1,69 промили алкохол во крвта.

Полицијата е во потрага по возачот, а се очекува да следуваат соодветни пријави откако ќе биде пронајден.

.