Ученикот кој направи масакр во Белград претходно е пријавуван затоа што на лице му нанел расеченици на устата
Ученикот кој направи масакр во српското училиште во Белград и порано бил пријавуван за насилство.
Дека имало пријави за врсничко насилство, потврдија надлежните на прес-конференција. Ученикот Коста Кецмановиќ и во минатото е пријавуван дека нападнал лице на кое му нанел расеченици на устата. Но, како што беше објаснето тоа се случило во приватно училиште за глума и постапката била запрена.
Српската влада денеска прогласи тридневна жалост по масакрот во кој ученик од основното училиште „Владислав Рибникар“ во белградската централна населба Врачар утринава уби осум соученици и припадник на училишното обезбедување и рани уште шест ученици и наставничка, поради што основните и средните училишта во главниот град престанаа со работа. На 5-ти мај ќе започне тридневна жалост. Основните и средните училишта во Белград денеска нема да работат.
Родителите на момчето се уапсени.
