Учениците се враќаат во клупите: Започнува второто полугодие!
После тринеделниот зимски распуст, од денеска учениците повторно се враќаат во училишните клупи, со што и официјално започнува второто полугодие од учебната година.
Според предвидениот календар, учебната година за сите ученици ќе заврши на 10 јуни, освен за матурантите, кои наставата ќе ја завршат порано – на 16 мај.
Оваа учебна година донесе една значајна промена – укинување на пролетниот распуст. Оваа одлука беше донесена по спроведена анкета, во која мнозинството наставници, родители и ученици се изјаснија против постоењето на дополнителен распуст.
Со ова, се очекува распоредот на часовите и наставните активности да тече посинхронизирано и да овозможи полесно завршување на обврските до крајот на учебната година. Учениците и наставниците повторно се соочуваат со предизвиците на второто полугодие, во кое ги очекуваат нови знаења, тестови и активности.
