![Ученици уште не ја добиле антикризната помош](https://novina.mk/wp-content/uploads/2024/02/20231205145207-jpg.webp)
Ученици уште не ја добиле антикризната помош
Многу основци и средношколци се уште ја немаат добиено помошта од Министерството за образование во износ од 1.200 и 1.800 денари, за која документацијата е доставена на крајот на 2023 година. И покрај тоа што не се работи за висока сума на помош , родителите и децата рекоа дека истото е добредојдено за покривање на дел од училишните трошоци. Од Министерството за образование за Алсат ТВ велат дека не станува збор за задоцнето плаќање, туку тоа се прави етапно, во зависност од приемот на податоците од училиштата.
„Од 2080 ученици, досега се пријавиле 1520 ученици, што е многу голема бројка за нашето училиште. Сега го имаме третиот рок, за оние кои порано не ги поднеле документите. Во вториот рок имавме пет студенти. Во овој термин родителите дојдоа да прашаат какви документи им требаат. Досега се заинтересирани десет родители, можеби ќе има поголем број и чекаме да ги пополнат документите и да ги пријават“, изјави Бесаре Хасани Сејдиу, директор на училиштето „26 Јули“.
Според Министерството за образование, околу 100.000 ученици ќе добијат парична помош од деветтиот пакет антикризни мерки. Од нив околу 70.000 се ученици од основно образование, додека 35.000 се средношколци. Антикризната помош ќе важи до јуни, кога завршува учебната година.Во овој пакет помош се вклучени само оние ученици чии родители имаат месечни примања до 50.000 денари.