Убиени израелски туристи во Египет: Во нив пукал полицаец
Египетски полицаец денеска застрела израелски туристи во пристанишниот град Александрија на Средоземното Море, при што уби најмалку двајца Израелци и еден Египќанец, соопшти египетското Министерство за внатрешни работи.
Телевизискиот канал „Екстра њуз“, тесно поврзан со египетските безбедносни агенции, цитираше неидентификуван безбедносен службеник кој вели дека уште едно лице е рането во нападот во близина на Колоната на Помпеј.
Како што се наведува, осомничениот напаѓач е приведен.
„Полицаец во Александрија пукал со своето лично оружје по случаен избор кон група израелски туристи… Двајца туристи загинаа како и еден Египќанец, а полицаецот е приведен“, соопшти телевизијата.
Безбедносните сили брзо го опколија местото на нападот. Во аматерското видео објавено на социјалните мрежи, се гледаат три возила на брза помош кои ги носат жртвите во болница, додека луѓето се собираат зад полициската ограда.
Израелската спасувачка служба Зарка извести дека во Александрија загинале две лица.
Нападот во Египет се случи во време кога израелската армија се судри со палестинските екстремисти по ненадејниот напад на Хамас врз Израел.
Египет склучи мир со Израел во 1979 година и долго време посредува во израелско-палестинскиот конфликт.
Во таа земја, и покрај мирот, расте антиизраелското расположение, особено во време на насилство.
