Убава вест: Ќе има покачување на пензиите
На денешната седница, Владата донесе низа важни одлуки, меѓу кои и усвојување на предлог-законот за изменување и дополнување на Законот за пензиско и инвалидско осигурување.
Со овие измени се предвидува покачување на пензиите, што ќе значи финансиска поддршка за највозрасните граѓани.
Според информациите, пензионерите покачувањето од 1000 денари ќе го добијат во септемвриската, додека пак уште 1000 денари ќе има и во мартовската пензија.
„Сериозно сме ангажирани во таа анализа, правиме проценка колку би било тоа процентуално зголемување, колкав би бил волуменот на парична маса, да го поделиме со бројот на пензионери. Правиме анализа линеарно да се зголемат пензиите по 1.000 денари сега на есен во октомври кога ќе ја земат пензијата, и во април за март практично, односно 2.000 да има зголемување линеарно за сите пензионери во рамките на следните шест месеци. Сериозно сме во таа анализа и многу скоро, бидејќи тоа мора да се случи пред распишувањето на изборите, дали преку закон со скратена постапка или преку група пратеници ќе го поднесеме тоа“, рече Христијан Мицкоски.
