Турски научници открија нова бактерија во авионското гориво
Научниците од Универзитетот во Истанбул открија нов бактериски вид наречен „Facivitalis Istanbulensis“ во примероците од млазното гориво, јавува Анадолија.
Оваа бактерија е исклучително отпорна на животната средина и може да се прилагоди на екстремни услови, а ќе се користи во области како што се спречување на загадувањето на животната средина и производство на одржлива енергија.
Професорката Есра Сунгур рече дека истражувањето започнало како дел од нејзината докторска теза за корозија предизвикана од микроорганизми, поради што набавила гориво за авион од приватна авиокомпанија.
„Кога првпат ја изолиравме бактеријата, искрено мислевме дека бактеријата што ја најдовме е нов вид од родот сфингомонас. Како што напредуваа студиите и се правеа понатамошни анализи, видовме дека бактеријата не е нов вид, туку нов род и преминавме на следното ниво“, рече Сунгур.
Сунгур изјавила дека бактериите кои ги пронашла биле изолирани во екстремни услови, во кои не можеле сите да преживеат.
Таа додаде дека пронашла 100 гени кои помагаат во развојот на бактерии и јаглеводороди од горивото.
„Во јаглеводородната структура има различни компоненти. Ароматиците се соединенија кои многу тешко се разложуваат во структурата на прстенот. Видовме дека бактериите се многу талентирани во овој поглед. Откривме дека содржи 58 гени за разградување на аромите на нашите бактерии“, рече таа, пренесува Танјуг.
