ТУРИСТИТЕ ВО ГРЦИЈА ПРЕДУПРЕДЕНИ: Риба пајак се појавила во Неи Пори
Како што беше објавено синоќа на состанокот на претставниците на локалната заедница, рибата пајак е забележана во оваа област веќе два дена.
Поради нејзината токсичност, на граѓаните им се препорачува да бидат внимателни и да носат „водни балетанки“ или соодветни обувки што ги штитат стапалата при пливање или одење во плитка вода.
Гордана сподели важно предупредување во Фејсбук групата „Грција Инфо“ за сите што престојуваат во Неа Пори.
Прочитајте го предупредувањето ТУКА.
Што е рибата пајак?
Рибата пајак (Scorpaena porcus), позната и како риба скорпија, е вид отровна риба која често се крие на песочни или карпести дна. По изглед наликува на карпа или корал, што го отежнува нејзиното забележување. Нејзините боцки содржат отров што може да предизвика силна болка, оток и воспаление, а во ретки случаи, посериозни здравствени проблеми ако не се обезбеди навремена помош.
Овие риби не се агресивни и не напаѓаат, но може случајно да бидат згазени ако невнимателно одите по плитките или карпите каде што живеат. Затоа, носењето заштитна обувка како што се балетанки за вода е најдобриот начин да се избегне непријатност.
Што да направите ако ве касне риба-пајак?
Ако ве касне риба-пајак, веднаш излезете од водата и побарајте медицинска помош. Убодот обично се третира со миење на раната, потопување во топла вода (што може да ја ублажи болката) и давање соодветни лекови.
Важно е да не ги игнорирате симптомите, особено ако имате тешкотии со дишењето, силен оток или вртоглавица.
