ТУРЦИТЕ СЕДАТ НА РАБОТА ПО 44,2 ЧАСА НЕДЕЛНО, ВТОРИ СЕ СРБИТЕ СО 41,7 – Холанѓаните се „цареви“ и работат само 32,2 часа во неделата
Во новото истражување за просечниот број часови поминати на работа неделно, податоците открија интересни резултати за работните навики на Европејците. На самиот врв на листата се државјаните на Турција, кои поминуваат 44,2 часа неделно на работа.
Интересно е што Србија и Босна и Херцеговина се веднаш зад Турција, Србите работат 41,7 часа неделно, а граѓаните на БиХ 41,4 часа неделно на работа. Овие податоци укажуваат на високо ниво на работна посветеност во овие земји.
Грција е на четврто место, додека Романија е на петто место по бројот на часови поминати на работа неделно.
Од друга страна, жителите на Холандија поминуваат најмалку време на работа, со просечни 32,2 часа неделно. Втора најдолу на листата е Австрија, каде луѓето работат во просек 33,6 часа неделно. Италија е на ниво на просекот на ЕУ, со 36,1 работни часа неделно.
Во веста и во табелата која ја пренесува Радио Слободна Европа, се напоменува дека нема податоци за Северна Македонија, Црна Гора и Косово.
(Радио Слободна Европа/Евростат)
Табела: Радио Слободна Европа
