Турција го пушти во употреба и стана прва земја која има носач на беспилотни летала
Турција ја пушти во функција својата долгоочекувана најголема воена инвестиција, со која ги зајакна своите поморски способности и стана една од неколкуте земји во светот со домашен носач на авиони, објави „Сабах“.
Повеќенаменскиот десантен брод „ТЦГ Анадолу“ е предаден на командата на поморските сили. Бродот не само што ќе биде првиот турски носач на авиони, туку и првиот брод во светот кој ќе се потпира пред се на беспилотни летала или т.н дронови.
Долг е 231 метар, широк 32 метри и има зафатнина од 27.436 тони. Максимумот на неговата брзина е околу 21 јазол, опсегот му е 9.000 наутички милји и може да опстои на море 50 дена.
Бродот беше нарачан во 2015 година, но неговото пуштање во употреба беше планирано за 2021 година, но потоа одложено поради пандемијата COVID-19.
Бродот првично е наменет да носи флота од хеликоптери и борбени авиони. Оваа можност беше отфрлена откако САД ја отстранија Турција од мултинационалната програма за развој на ловци Ф-35. Причината беше Одлуката на Анкара да набави противвоздушни системи од руско производство за одбраната С-400 во 2019 година.
Ова ја поттикна Турција да ги разгледа плановите за развој и да направи дополнителни прилагодувања за претворање на бродот во носач на беспилотно летало (UAV), беспилотни борбени летала (UAVs) и беспилотни борбени авиони, покрај хеликоптерите.
