Тројца загинати, вклучително и едно бебе, во пукање на автопатот во Чикаго
Двајца тинејџери и едно бебе се убиени, а тројца се ранети во пукање на автопат во Чикаго, соопштија локалните власти, цитирани од Асошиејтед прес.
Пукањето било откриено околу 22:30 часот по локално време на I-57 во близина на 111-та улица на јужната страна, изјави полицаецот на државната полиција на Илиноис, Џош Робинсон.
Жртвите се 19-годишниот Насир Хол, 13-годишниот Вилијам Смит и едногодишната Амара Хол, јави службата за судска медицина.
Автомобилот на жртвите излета од автопатот по пукањето. Две лица се пронајдени мртви на местото на пукањето, а четворица се пренесени во болница, каде што едно починало, изјави Робинсон.
Според полицискиот функционер, истрагата е во „почетна фаза“.
Државната полиција не соопшти дали осомничениот е уапсен за престрелката.
Јавната безбедност во Чикаго е едно од најитните прашања за гласачите пред претстојните избори за градоначалник, посочува АП. Црната градоначалничка на градот, Лори Лајтфут, беше критикувана за зголемениот криминал откако убиствата го достигнаа највисокото ниво во последните 25 години, достигнувајќи 800 во 2021 година.