Трипуновски: Ја враќаме мерката 50-50, повикот ќе биде во наредните денови
Министерот за земјоделство, шумарство и водостопанство Цветан Трипуновски во вчерашното гостување на „Заспиј ако можеш” на Алфа телевизија во текот на своето гостување најави враќање на мерката „50-50“
„Сето ова е да помогнеме на нашите земјоделци за да го модернизираат своето производство”, истакна министерот Трипуновски.
Тој посочи дека државата ќе учествува со 50 отсто од тоа што земјоделците, односно апликантите, ќе го набават како инвестиција, а повикот ќе биде објавен наредните денови.
„Ексклузивно за вашата емисија, во наредните десетина дена ќе излезе уште еден jавен повик од Програмата за рурален развој – тоа е популарно наречената мерка од минатото 50-50. Сите оние апликанти кои ќе набават приклучна механизација, трактори – тука ќе бидат вметнати и анти-фрост системите, системите капка по капка, истите ќе бидат кофинансирани со 50% за набавената инвестиција”, најави министерот.
