Тричко го остави АЕК во трката за титула – гол минута пред крајот за реми со АПОЕЛ (ВИДЕО)

За Тричковски ова е десетти гол сезонава во кипарското првенство и многу значаен, зашто со пораз АПОЕЛ ќе избегаше на плус седум во плејоф групата за титула, а вака со ремито најтрофејниот кипарски клуб останува на достижни четири бода разлика.

Македонскиот интернационалец влезе во игра на почетокот на вториот дел, откако Квилитала даде два гола за АПОЕЛ за пресврт во првиот дел, после водството на АЕК со погодок на Гирско по десет минути игра, па на крај Тричко избори бод во дерби пресметката со погодокот во 89-та минута од мечот.

АЕК остана трет со 58 бода, два помалку од Арис, а четири од АПОЕЛ во шампионската трка.